喺威威村莊入面，我哋會見到一片被林野包圍嘅景象，旁邊有大大小小種類不同嘅花草樹木，可以講係山明水秀、鳥語花香，環境真係好優美㗎，而且仲提供咗非常好嘅自然環境俾各式各樣嘅鳥類同昆蟲生活。（仲有嘢食又有野玩添㗎◍•ᴗ•◍）

我好鍾意四圍探索，發掘村莊入面各種美麗又活潑嘅動植物，我喺村莊觀察到嘅物種超過300個。

每次有新嘅發現，我都會做底記錄收藏，我最鍾意就係同小朋友一齊分享大自然嘅樂趣，等大家可以認識多啲周邊嘅動植物，喺度細細聲同大家講，我仲養咗一啲平時比較少人知道嘅動物做寵物，例如守宮同埋一啲顏色鮮豔嘅甲蟲（我仲有收埋其他小寵物㗎，如果想知道仲有啲乜，小朋友記得去到威威村莊可以搵搵我傾下偈喇◠‿◕）

講咗咁多，我就係村民Jeffrey哥哥嘞，我嘅外型成日改變㗎（原因絕對唔係因為我鍾意煮野食 ~♪），小朋友搵我嘅時候不妨留意下我戴嘅眼鏡，如果見到黑色就肯定認錯喇。