Hello！我係身高只有148厘米嘅村民冬瓜姐姐。大家想知道我點解叫冬瓜姐姐？其實呢個名係小小智哥哥幫我改㗎，雖然字面睇呢個名好似取笑緊我，但其實我覺得呢個名都有佢可愛之處，就係每當我介紹自己個名時，小朋友同家長都會哈哈笑，亦都印證咗「冬瓜姐姐」同我一樣擁有幽默嘅特質，所以我好喜歡呢個名，亦都要多謝小小智哥哥嘅幫忙改呢個名。冬瓜姐姐除咗幽默之外都好喜歡結識新朋友。